സ്വപ്നങ്ങള്‍പെയ്ത പെരുമഴച്ചാലുകള്‍
പൊട്ടിയൊലിച്ചെന്‍റെ കണ്ണിണക്കോണിലായ്
നരകൊണ്ടുതുന്നി പിടിപ്പിച്ച താടിയില്‍
ചിന്നിച്ചിതറുമെന്‍ സങ്കടമുത്തുകള്‍
പൊട്ടിയൊലിച്ചെന്‍റെ കണ്ണിണക്കോണിലായ്
നരകൊണ്ടുതുന്നി പിടിപ്പിച്ച താടിയില്‍
ചിന്നിച്ചിതറുമെന്‍ സങ്കടമുത്തുകള്‍
എത്രതിരികളാല്‍ കത്തിച്ചതാണെന്‍റെ
മോഹത്തിന്‍ കല്‍വിളക്കീയിടനാഴിയില്‍
എത്രകത്തിച്ചിട്ടും കത്തിനില്‍ക്കുന്നില്ല
കെട്ടുപോകുന്നെന്‍റെ പ്രാണന്‍റെ ചിന്തുകള്‍
മോഹത്തിന്‍ കല്‍വിളക്കീയിടനാഴിയില്‍
എത്രകത്തിച്ചിട്ടും കത്തിനില്‍ക്കുന്നില്ല
കെട്ടുപോകുന്നെന്‍റെ പ്രാണന്‍റെ ചിന്തുകള്‍
കുന്നിക്കുരുകൊണ്ടു പല്ലാങ്കുഴികളില്‍
എണ്ണംതികച്ചെന്‍റെ ബാല്യം ചിരിക്കവെ
മൂളുന്നൊരീണമായെന്‍കാതിലെത്തുമാ
കൊഞ്ചുംകൊലുസ്സെന്‍റെ പ്രാണനായ്ത്തീരുമോ
എണ്ണംതികച്ചെന്‍റെ ബാല്യം ചിരിക്കവെ
മൂളുന്നൊരീണമായെന്‍കാതിലെത്തുമാ
കൊഞ്ചുംകൊലുസ്സെന്‍റെ പ്രാണനായ്ത്തീരുമോ
ഉള്‍ക്കണ്ണുതേടുമാ ബാല്യ നിനവുകള്‍
രാവില്‍ മരങ്ങള്‍ വരയ്ക്കും നിഴലുകള്‍
അഴലിന്നഗാധത തേടുന്ന സന്ധ്യയായ്
പൊട്ടുകുത്തുന്നെന്‍റെ രക്ത ഞരമ്പുകള്‍
രാവില്‍ മരങ്ങള്‍ വരയ്ക്കും നിഴലുകള്‍
അഴലിന്നഗാധത തേടുന്ന സന്ധ്യയായ്
പൊട്ടുകുത്തുന്നെന്‍റെ രക്ത ഞരമ്പുകള്‍
ജീവിതപുസ്തക താളുപറിച്ചൊരു
കളിവഞ്ചി തീര്‍ക്കട്ടെ ഈ മഴച്ചാറ്റലില്‍
പാറ്റകള്‍ പാറും മഴച്ചില്ലുകോട്ടയില്‍
തെന്നിയകലട്ടെ ഈചെറുവഞ്ചിയും
കളിവഞ്ചി തീര്‍ക്കട്ടെ ഈ മഴച്ചാറ്റലില്‍
പാറ്റകള്‍ പാറും മഴച്ചില്ലുകോട്ടയില്‍
തെന്നിയകലട്ടെ ഈചെറുവഞ്ചിയും
മഷിപടരും കടലാസുതോണിയില്‍
ഞാനെന്‍റെ പ്രാണനൊളിച്ചുവച്ചീടവെ
കുഞ്ഞുതിരകളില്‍ പ്രളയമായ് വന്നെന്‍റെ
വഞ്ചി കവരുന്നു കാലത്തിന്‍ കൈവിരല്‍
ഞാനെന്‍റെ പ്രാണനൊളിച്ചുവച്ചീടവെ
കുഞ്ഞുതിരകളില്‍ പ്രളയമായ് വന്നെന്‍റെ
വഞ്ചി കവരുന്നു കാലത്തിന്‍ കൈവിരല്‍
അസ്തികള്‍ തീര്‍ത്തൊരീ ക്ഷേത്രത്തിനുള്ളിലെ
ഞാനെന്ന സത്യം തിരിച്ചറിഞ്ഞീടുമ്പോള്‍
ഇല്ലില്ല കോട്ടകള്‍ ഒന്നൊളിച്ചീടുവാന്‍
ബാല്യമൊളിപ്പിച്ച താഴ്വരയൊന്നിലും.
ഞാനെന്ന സത്യം തിരിച്ചറിഞ്ഞീടുമ്പോള്‍
ഇല്ലില്ല കോട്ടകള്‍ ഒന്നൊളിച്ചീടുവാന്‍
ബാല്യമൊളിപ്പിച്ച താഴ്വരയൊന്നിലും.
