ചുംബനമഴിഞ്ഞൊരാ പ്രണയപുഷ്പങ്ങളില്
സ്പന്ദനം തുടിക്കും രതിയൊന്നുമുറുകവേ
സുഷുപ്തിതന് സ്നേഹനഖക്ഷതങ്ങളായ്
നാളിയില് രേതസ്സുറഞ്ഞുതുടിക്കവേ
ആലസ്യം നാണംവിട്ടൊരു ചുംബനപ്പൂകൂടി
നല്കിമയങ്ങുന്നു യൗവ്വനം ഗര്ഭപാത്രങ്ങളില്
നാഭിച്ചരടു ബന്ധിച്ചുറക്കുമാ ഭ്രൂണമുകുളങ്ങളെ
സ്നേഹിച്ചു രക്തധമനികള് താരാട്ടുമൂളവേ
നെഞ്ചില് കനംവയ്ക്കും പാല്ക്കനവുകള്
വാല്സല്യ ചിത്രം കോറിവരയ്ക്കവേ
അമ്മയല്ലാതൊരുമനം ഭ്രാന്തമായെത്തി
കണ്ണുനീര്മാറ്റി ചിരിച്ചങ്ങട്ടഹസിച്ചീടുന്നു.
കൊന്നുതോറ്റണം ഭ്രൂണഞരമ്പിനെ
നാളയുഷസിന് പനനീര്ക്കുരുന്നിനെ
പിച്ചിയെറിയണം കുഞ്ഞുചിന്തുകള്
മനസ്സില് തളംകെട്ടും അമ്മമോഹത്തിനെ
സ്പന്ദനം തുടിക്കും രതിയൊന്നുമുറുകവേ
സുഷുപ്തിതന് സ്നേഹനഖക്ഷതങ്ങളായ്
നാളിയില് രേതസ്സുറഞ്ഞുതുടിക്കവേ
ആലസ്യം നാണംവിട്ടൊരു ചുംബനപ്പൂകൂടി
നല്കിമയങ്ങുന്നു യൗവ്വനം ഗര്ഭപാത്രങ്ങളില്
നാഭിച്ചരടു ബന്ധിച്ചുറക്കുമാ ഭ്രൂണമുകുളങ്ങളെ
സ്നേഹിച്ചു രക്തധമനികള് താരാട്ടുമൂളവേ
നെഞ്ചില് കനംവയ്ക്കും പാല്ക്കനവുകള്
വാല്സല്യ ചിത്രം കോറിവരയ്ക്കവേ
അമ്മയല്ലാതൊരുമനം ഭ്രാന്തമായെത്തി
കണ്ണുനീര്മാറ്റി ചിരിച്ചങ്ങട്ടഹസിച്ചീടുന്നു.
കൊന്നുതോറ്റണം ഭ്രൂണഞരമ്പിനെ
നാളയുഷസിന് പനനീര്ക്കുരുന്നിനെ
പിച്ചിയെറിയണം കുഞ്ഞുചിന്തുകള്
മനസ്സില് തളംകെട്ടും അമ്മമോഹത്തിനെ
