വെളുത്തപുഴുക്കള് നുരയ്ക്കുന്നചാലിലെ
അഴുക്കു പേറുന്ന മാമ്പഴമൊന്നിനെ
കടിച്ചുതിന്നുന്ന ബാല്യങ്ങളേറെയാ
കടുത്തവിശപ്പിന്റെ സങ്കടംപേറുവോര്
കുപ്പയില് പട്ടിയോടൊപ്പം കഴിക്കുമാ
എച്ചിലില് പശിയുടെ വറ്ററിയുന്നവര്
തെരുവിന്റെ സന്താനമെന്നറിയുന്നവര്
ദാരിദ്ര്യ ചോലയില് മുങ്ങിമരിപ്പവര്
നീറും വിശപ്പിന്റെ കാഠിന്യമേറ്റവര്
നോവിന്റെ ആയുധം പേറി നടപ്പവര്
ഉള്ളില്ജ്വലിക്കും വെറുപ്പിന്കണങ്ങളായ്
നാളയെപ്പേറാത്ത കുഞ്ഞുമനസ്സുകള്
കുഞ്ഞുവയറിന്റെ വിശപ്പകറ്റുവാന്
നാടിന്റെ യൗവ്വന കളിപ്പാട്ടമായവര്
പശിയറിയുന്നൊരാ വയറിന്റെ നൊമ്പരം
കാമവിശപ്പിന്നടിയറവയ്ക്കവേ
ഊര്ന്ന മടിശ്ശീല ബാക്കിവയ്ക്കുന്നുവോ
വിത്തുകള് വീണ്ടുമാ ചേരിയിലൊക്കെയും
ആയിരം പന്തങ്ങള് കത്തിച്ചുവച്ചാലും
കാണില്ല നമ്മളീ തെരുവിന്റെ നൊമ്പരം
ഓര്ക്കില്ല നമ്മളീ ആഹാരവേളയില്
ദൂര്ത്തടിക്കുന്ന പണത്തിന്കൊഴുപ്പിനെ
അഴുക്കു പേറുന്ന മാമ്പഴമൊന്നിനെ
കടിച്ചുതിന്നുന്ന ബാല്യങ്ങളേറെയാ
കടുത്തവിശപ്പിന്റെ സങ്കടംപേറുവോര്
കുപ്പയില് പട്ടിയോടൊപ്പം കഴിക്കുമാ
എച്ചിലില് പശിയുടെ വറ്ററിയുന്നവര്
തെരുവിന്റെ സന്താനമെന്നറിയുന്നവര്
ദാരിദ്ര്യ ചോലയില് മുങ്ങിമരിപ്പവര്
നീറും വിശപ്പിന്റെ കാഠിന്യമേറ്റവര്
നോവിന്റെ ആയുധം പേറി നടപ്പവര്
ഉള്ളില്ജ്വലിക്കും വെറുപ്പിന്കണങ്ങളായ്
നാളയെപ്പേറാത്ത കുഞ്ഞുമനസ്സുകള്
കുഞ്ഞുവയറിന്റെ വിശപ്പകറ്റുവാന്
നാടിന്റെ യൗവ്വന കളിപ്പാട്ടമായവര്
പശിയറിയുന്നൊരാ വയറിന്റെ നൊമ്പരം
കാമവിശപ്പിന്നടിയറവയ്ക്കവേ
ഊര്ന്ന മടിശ്ശീല ബാക്കിവയ്ക്കുന്നുവോ
വിത്തുകള് വീണ്ടുമാ ചേരിയിലൊക്കെയും
ആയിരം പന്തങ്ങള് കത്തിച്ചുവച്ചാലും
കാണില്ല നമ്മളീ തെരുവിന്റെ നൊമ്പരം
ഓര്ക്കില്ല നമ്മളീ ആഹാരവേളയില്
ദൂര്ത്തടിക്കുന്ന പണത്തിന്കൊഴുപ്പിനെ
