അരികിലായരികിലായ് മെല്ലെയമര്‍ന്നെന്‍റെ
ഹൃദയത്തിലൊരുനോവു നീ പകരെ
ചടുലമാം താളത്തിലൊരുതുള്ളിവീണ്ടുമെന്‍
ശിരസ്സിന്നുയിരേറ്റു പാടിടുന്നു
ഹൃദയത്തിലൊരുനോവു നീ പകരെ
ചടുലമാം താളത്തിലൊരുതുള്ളിവീണ്ടുമെന്‍
ശിരസ്സിന്നുയിരേറ്റു പാടിടുന്നു
കടലമ്മ ചൊല്ലുന്ന കഥകേട്ടു ഞാനെന്‍റെ
പഴിമൊത്തം വിധിയിലായ് ചേര്‍ത്തിടുന്നു
ഒരു കാവലായ് വീണ്ടുമീ ചെറുനായ വന്നെന്‍റെ
കാല്‍ക്കല്ലിടംപാര്‍ത്തു നിന്നിടുന്നു
പഴിമൊത്തം വിധിയിലായ് ചേര്‍ത്തിടുന്നു
ഒരു കാവലായ് വീണ്ടുമീ ചെറുനായ വന്നെന്‍റെ
കാല്‍ക്കല്ലിടംപാര്‍ത്തു നിന്നിടുന്നു
ഒരു തണല്‍ കാത്തുഞാനീമരച്ചോട്ടിലായ്
ദാഹക്കൊടുംചൂട് കൊണ്ടിരിക്കേ
എല്ലിച്ചചില്ല പഴുപ്പിച്ച പാതയില്‍
വിണ്ടകംപുക്കുന്നതെന്‍റെ നിഴലിതാ
ദാഹക്കൊടുംചൂട് കൊണ്ടിരിക്കേ
എല്ലിച്ചചില്ല പഴുപ്പിച്ച പാതയില്‍
വിണ്ടകംപുക്കുന്നതെന്‍റെ നിഴലിതാ
ചോക്കുന്ന സന്ധ്യയായിപ്പകല്‍ മാറിയീ
മരണക്കരിമ്പടം ചാര്‍ത്തിടുമ്പോള്‍
ധമനികള്‍ പൂക്കുന്നിതീവഴിത്താരയില്‍
പ്രാണനാം ചന്ദ്രികത്തോപ്പിന്നിടങ്ങളില്‍
മരണക്കരിമ്പടം ചാര്‍ത്തിടുമ്പോള്‍
ധമനികള്‍ പൂക്കുന്നിതീവഴിത്താരയില്‍
പ്രാണനാം ചന്ദ്രികത്തോപ്പിന്നിടങ്ങളില്‍
ചന്ദനമണംപേറും ശയ്യില്‍ വീണ്ടുമീ
മരണമേ നീയൊന്നൊളിച്ചിരിക്കൂ
എഴുതട്ടെ ഞാനൊരു പുതുമൊഴി കൂടിയീ
പ്രണയത്തിന്‍ ജാലം പകര്‍ന്നുവയ്ക്കാന്‍
മരണമേ നീയൊന്നൊളിച്ചിരിക്കൂ
എഴുതട്ടെ ഞാനൊരു പുതുമൊഴി കൂടിയീ
പ്രണയത്തിന്‍ ജാലം പകര്‍ന്നുവയ്ക്കാന്‍
