അങ്ങെ ചരുവിലെ കുഞ്ഞുപാടത്തിലായ്
പള്ളിയറയൊന്നൊരുങ്ങണുണ്ട്
ഏനെന്റെ കുടിലിലാ പൊട്ടനായ് മാറുവാന്
വ്രതശുദ്ധിവരുത്തിയിരിക്കണുണ്ട്
എങ്കിലുമെന്മനം കാണാത്ത ദൂരത്ത്
ദാരിദ്ര്യപ്പാട്ടതു കേള്പ്പതുണ്ട്
ജാതിസമംചൊല്ലും പൊട്ടന്റെ കോലത്തില്
നാട്ടാരുകൂപ്പണ പാളമുഖം
മുഖത്തില് കളംചാര്ത്തും രോദനമൊന്നുമേ
കാണാതിരിക്കാനായ് വയ്പ്പുമുഖം
ഇറയത്തു മൂലയില് തേങ്ങിക്കരയുന്ന
മലയന്റെ കുഞ്ഞുങ്ങള് നിത്യസത്യം
ഉള്ളിന്റെ ഉള്ളിലായ് മേലേരി കൂട്ടുമ്പൊ
തെയ്യത്തറയില് കനലുവീഴും
ബ്രഹ്മമറിയുന്ന സത്യത്തെക്കാട്ടുവാന്
തെയ്യത്തറയിലാ പൊട്ടനെത്തും
കത്തിച്ച ചൂട്ടിന്റെ വെട്ടത്തിലെത്തുന്നു
കുരുത്തോല മുറുക്കിയുടുത്തതെയ്യം
കിനിയുന്ന രക്തത്തി ചോപ്പുനിറമെങ്കില്
ഏനെന്റെ വിശപ്പിനിന്നേതുനിറം
ഏങ്കിലുമിന്നെനിക്കേറെ സുഖിക്കണ്
കൂപ്പുന്ന മാളോരറിയണില്ല
ഏനെന്ന ദൈവവും ഏറെ വിശക്കണ്
കുളിരുമീ കനലില് മറിഞ്ഞുകുത്തേ
ഏറെക്കുളിരണ് ഏറെകുളിരണ്
തീ ചാരി നിക്കണ എന്റെദേഹം.
പള്ളിയറയൊന്നൊരുങ്ങണുണ്ട്
ഏനെന്റെ കുടിലിലാ പൊട്ടനായ് മാറുവാന്
വ്രതശുദ്ധിവരുത്തിയിരിക്കണുണ്ട്
എങ്കിലുമെന്മനം കാണാത്ത ദൂരത്ത്
ദാരിദ്ര്യപ്പാട്ടതു കേള്പ്പതുണ്ട്
ജാതിസമംചൊല്ലും പൊട്ടന്റെ കോലത്തില്
നാട്ടാരുകൂപ്പണ പാളമുഖം
മുഖത്തില് കളംചാര്ത്തും രോദനമൊന്നുമേ
കാണാതിരിക്കാനായ് വയ്പ്പുമുഖം
ഇറയത്തു മൂലയില് തേങ്ങിക്കരയുന്ന
മലയന്റെ കുഞ്ഞുങ്ങള് നിത്യസത്യം
ഉള്ളിന്റെ ഉള്ളിലായ് മേലേരി കൂട്ടുമ്പൊ
തെയ്യത്തറയില് കനലുവീഴും
ബ്രഹ്മമറിയുന്ന സത്യത്തെക്കാട്ടുവാന്
തെയ്യത്തറയിലാ പൊട്ടനെത്തും
കത്തിച്ച ചൂട്ടിന്റെ വെട്ടത്തിലെത്തുന്നു
കുരുത്തോല മുറുക്കിയുടുത്തതെയ്യം
കിനിയുന്ന രക്തത്തി ചോപ്പുനിറമെങ്കില്
ഏനെന്റെ വിശപ്പിനിന്നേതുനിറം
ഏങ്കിലുമിന്നെനിക്കേറെ സുഖിക്കണ്
കൂപ്പുന്ന മാളോരറിയണില്ല
ഏനെന്ന ദൈവവും ഏറെ വിശക്കണ്
കുളിരുമീ കനലില് മറിഞ്ഞുകുത്തേ
ഏറെക്കുളിരണ് ഏറെകുളിരണ്
തീ ചാരി നിക്കണ എന്റെദേഹം.
