തുള്ളിമുറിഞ്ഞുതുടങ്ങും ഇറമ്പിലി
കിങ്ങിണികെട്ടിയ കുഞ്ഞുപെണ്ണെ
നിന്നുടെചിന്തുകള്‍ ചില്ലമേലിറ്റിച്ച്
ചുമ്മാകിണുങ്ങുന്നതെന്തിനാണോ
ചില്ലകുലുക്കിയാകുഞ്ഞുമലര്‍മഴ
എന്നിലേക്കിറ്റിക്കാന്‍ മോഹമായി
മുറ്റത്തെ പിച്ചകമൊട്ടിലായ് നീവച്ച
ചുംബനമുത്തിനെ ഞാനെടുക്കും
പ്രേമംചുരത്തും കുളിര്‍ശരമൊന്നിനെ
ഹൃദയത്തിലേക്കുഞാന്‍ ചേര്‍ത്തുവയ്ക്കും
നിന്നിലെശീല്‍ക്കാരമെന്നിലണിയിക്കും
കുളിരുമായോര്‍മ്മതന്‍ ബാല്യകാലം
പളുങ്കുമണികള്‍ ചിതറിയചേമ്പില
തുമ്പില്‍ നനഞ്ഞൊരാബാല്യകാലം
ആലിപ്പഴംമ്പോലെ ചിന്നിചിതറുമെന്‍
അമ്മമനസ്സിലെ നല്ലകാലം
എന്‍റെ മനസ്സിലെ കുഞ്ഞിളംവഞ്ചികള്‍
ചുമ്മാനനയിച്ച കുഞ്ഞുപെണ്ണേ
നിന്റെ പ്രണയത്തിന്‍ നോവുകള്‍ പേറുവാന്‍
എന്നിലേക്കിറ്റിക്കൂ പ്രേമതീര്‍ത്ഥം
പരിഭവക്കൂട്ടുകള്‍ ചാലിച്ചെടുത്തുനീ
അകാശമേടയില്‍ സഞ്ചരിക്കേ
ജന്നല്‍പ്പടിയിലെ കുഞ്ഞുവിതാനങ്ങള്‍
നിന്നെയന്നുള്ളിലായ് ചേര്‍ത്തുവയ്ക്കും
വരികനീ പ്രേമസുരഭിലയായെന്റെ
മാറിലുറങ്ങുവാനൊന്നുവേഗം
നീറുംകിടക്കവിരികള്‍ ചുവപ്പിച്ച
ചിതയിലേക്കിത്തിരിയമൃതുതൂകാന്‍.
കിങ്ങിണികെട്ടിയ കുഞ്ഞുപെണ്ണെ
നിന്നുടെചിന്തുകള്‍ ചില്ലമേലിറ്റിച്ച്
ചുമ്മാകിണുങ്ങുന്നതെന്തിനാണോ
ചില്ലകുലുക്കിയാകുഞ്ഞുമലര്‍മഴ
എന്നിലേക്കിറ്റിക്കാന്‍ മോഹമായി
മുറ്റത്തെ പിച്ചകമൊട്ടിലായ് നീവച്ച
ചുംബനമുത്തിനെ ഞാനെടുക്കും
പ്രേമംചുരത്തും കുളിര്‍ശരമൊന്നിനെ
ഹൃദയത്തിലേക്കുഞാന്‍ ചേര്‍ത്തുവയ്ക്കും
നിന്നിലെശീല്‍ക്കാരമെന്നിലണിയിക്കും
കുളിരുമായോര്‍മ്മതന്‍ ബാല്യകാലം
പളുങ്കുമണികള്‍ ചിതറിയചേമ്പില
തുമ്പില്‍ നനഞ്ഞൊരാബാല്യകാലം
ആലിപ്പഴംമ്പോലെ ചിന്നിചിതറുമെന്‍
അമ്മമനസ്സിലെ നല്ലകാലം
എന്‍റെ മനസ്സിലെ കുഞ്ഞിളംവഞ്ചികള്‍
ചുമ്മാനനയിച്ച കുഞ്ഞുപെണ്ണേ
നിന്റെ പ്രണയത്തിന്‍ നോവുകള്‍ പേറുവാന്‍
എന്നിലേക്കിറ്റിക്കൂ പ്രേമതീര്‍ത്ഥം
പരിഭവക്കൂട്ടുകള്‍ ചാലിച്ചെടുത്തുനീ
അകാശമേടയില്‍ സഞ്ചരിക്കേ
ജന്നല്‍പ്പടിയിലെ കുഞ്ഞുവിതാനങ്ങള്‍
നിന്നെയന്നുള്ളിലായ് ചേര്‍ത്തുവയ്ക്കും
വരികനീ പ്രേമസുരഭിലയായെന്റെ
മാറിലുറങ്ങുവാനൊന്നുവേഗം
നീറുംകിടക്കവിരികള്‍ ചുവപ്പിച്ച
ചിതയിലേക്കിത്തിരിയമൃതുതൂകാന്‍.
No comments:
Post a Comment