പെയ്യുക പെയ്യുക വര്‍ഷമേഘമേ നീ നിന്റെ
ദ്രുതപദതാളലയനാട്യത്തിലീമനമൊന്നിലായ്
മീട്ടുക മീട്ടുക തന്ത്രികള്‍ ഹൃദയപുളകമായ്
ഒഴുകിവന്നീടുക മനസ്സിന്‍ മദനകാമങ്ങളില്‍
ചപലമോഹങ്ങളില്‍ പെയ്തൊഴിഞ്ഞീടുക
പ്രണയപരവശയായ്‍നീ പതഞ്ഞൊഴുകീടുക
പുളകതരംഗിണിയായൊഴുകിനീളുക നദികളേ
നീയീ പാപംകടംകൊണ്ട നോവുപാത്രങ്ങളില്‍
അമൃതൊഴുകും മുലപോല്‍ ചുരത്തിനീന്നീടുനീ
കുമ്പിളില്‍ ഞാനൊരു മൗനം പകര്‍ന്നുവച്ചീടവേ
ദര്‍ഭയവശേഷിപ്പിച്ച വറ്റുനീ പേറുകപിണ്ഡമായ്
ബലിയിട്ടുനല്‍കാമെള്ളു ഞാനീ ശവകുടീരങ്ങളില്‍
കിരണനോവിനാല്‍ തുടുത്ത സ്ഫടികമേനിയില്‍
വന്നുപേറുക നീയീ വെന്തുനീറിയ ഭസ്മച്ചിമിഴുകള്‍
വ്യഥമറന്ന നിത്യസ്‍മ‍ൃതിരൂപങ്ങളായ് തരുക്കള്‍
നീട്ടിവയ്ക്കട്ടെ നഖച്ചീറുകള്‍ നഖക്ഷതങ്ങളായ്
നോവില്‍ലയിപ്പിച്ചൊരാ തണല്‍മരപ്പാതകള്‍
അമ്മയാംപൂവിരിച്ചിട്ട തേങ്ങലിന്‍ചോലകള്‍
പട്ടിന്‍നനവൂറുമാ പ്രകൃതിതന്‍കുങ്കുമസന്ധ്യയില്‍
ബാല്യമെത്തീടുന്നുപിന്നെയും താരാട്ടുതൊട്ടിലായ്
പെയ്യുക പെയ്യുക വര്‍ഷമേഘമേ നീ നിന്റെ
ദ്രുതപദതാളലയനാട്യത്തിലീമനമൊന്നിലായ്
ചാറിയൊടുങ്ങുക കഴുകുകവ്യഥകളെന്‍ നദികളായ്
തലയടിച്ചുറയുക ഇരുളിന്‍ ശിലാമേഘപാളിയില്‍
ഒടുങ്ങട്ടെ സ്വപ്നവും സുഷുപ്തിയും ചരങ്ങള്‍ തിരിയുമീ
സമയചക്ര മൃദുല സംസാരബന്ധനബന്ധങ്ങളും
തിരയടിക്കട്ടെ ആഴിതന്‍ പ്രണയച്ചുഴികളില്‍
ആഴ്‍ന്നുപോകട്ടെ മനസ്സിന്‍ വ്രണിതമോഹങ്ങളും.
ദ്രുതപദതാളലയനാട്യത്തിലീമനമൊന്നിലായ്
മീട്ടുക മീട്ടുക തന്ത്രികള്‍ ഹൃദയപുളകമായ്
ഒഴുകിവന്നീടുക മനസ്സിന്‍ മദനകാമങ്ങളില്‍
ചപലമോഹങ്ങളില്‍ പെയ്തൊഴിഞ്ഞീടുക
പ്രണയപരവശയായ്‍നീ പതഞ്ഞൊഴുകീടുക
പുളകതരംഗിണിയായൊഴുകിനീളുക നദികളേ
നീയീ പാപംകടംകൊണ്ട നോവുപാത്രങ്ങളില്‍
അമൃതൊഴുകും മുലപോല്‍ ചുരത്തിനീന്നീടുനീ
കുമ്പിളില്‍ ഞാനൊരു മൗനം പകര്‍ന്നുവച്ചീടവേ
ദര്‍ഭയവശേഷിപ്പിച്ച വറ്റുനീ പേറുകപിണ്ഡമായ്
ബലിയിട്ടുനല്‍കാമെള്ളു ഞാനീ ശവകുടീരങ്ങളില്‍
കിരണനോവിനാല്‍ തുടുത്ത സ്ഫടികമേനിയില്‍
വന്നുപേറുക നീയീ വെന്തുനീറിയ ഭസ്മച്ചിമിഴുകള്‍
വ്യഥമറന്ന നിത്യസ്‍മ‍ൃതിരൂപങ്ങളായ് തരുക്കള്‍
നീട്ടിവയ്ക്കട്ടെ നഖച്ചീറുകള്‍ നഖക്ഷതങ്ങളായ്
നോവില്‍ലയിപ്പിച്ചൊരാ തണല്‍മരപ്പാതകള്‍
അമ്മയാംപൂവിരിച്ചിട്ട തേങ്ങലിന്‍ചോലകള്‍
പട്ടിന്‍നനവൂറുമാ പ്രകൃതിതന്‍കുങ്കുമസന്ധ്യയില്‍
ബാല്യമെത്തീടുന്നുപിന്നെയും താരാട്ടുതൊട്ടിലായ്
പെയ്യുക പെയ്യുക വര്‍ഷമേഘമേ നീ നിന്റെ
ദ്രുതപദതാളലയനാട്യത്തിലീമനമൊന്നിലായ്
ചാറിയൊടുങ്ങുക കഴുകുകവ്യഥകളെന്‍ നദികളായ്
തലയടിച്ചുറയുക ഇരുളിന്‍ ശിലാമേഘപാളിയില്‍
ഒടുങ്ങട്ടെ സ്വപ്നവും സുഷുപ്തിയും ചരങ്ങള്‍ തിരിയുമീ
സമയചക്ര മൃദുല സംസാരബന്ധനബന്ധങ്ങളും
തിരയടിക്കട്ടെ ആഴിതന്‍ പ്രണയച്ചുഴികളില്‍
ആഴ്‍ന്നുപോകട്ടെ മനസ്സിന്‍ വ്രണിതമോഹങ്ങളും.
No comments:
Post a Comment