മഴവില്‍ മണിതീര്‍ത്ത നൂല്‍മഴപ്പന്തലില്‍
നീര്‍പ്പോളപൊട്ടിച്ചിതറിക്കളിക്കവേ
ദൂരയാ ചിന്തതന്‍ പെരുമഴക്കാലമായ്
ജാലകപ്പടി ചാരി അമ്മ നില്‍ക്കുന്നൂ
ചെമ്പകപ്പൂവില്‍ നിന്നിറ്റുവീഴുമാത്തുള്ളികള്‍
ചിന്തയില്‍ താളം പിടിക്കവേ
അമ്മ മനസ്സിലെ സ്നേഹപ്പെരുമ്പറ
ചങ്ങലപൊട്ടിച്ചു വിങ്ങലായ് മാറിയോ
ഏകയായീമുറി വാതില്‍പ്പടികളില്‍
ഓര്‍മ്മകള്‍ പേറി ഞാനീമഴ കാണുമ്പോള്‍
പാല്‍ക്കഞ്ഞി നല്കി വളര്‍ത്തിയോരുണ്ണിയെ
കാണുവാനായിനി എത്ര കാത്തീടണം
ഇന്നിനിവേണ്ട പെരുമഴയല്ലയോ
ഉണ്ണിക്കു ദീനം വരുത്തരുതീശ്വരാ
കാഴ്ച മറഞ്ഞൊരാ കണ്ണടച്ചില്ലുകള്‍
കാത്തിരിപ്പിന്റെയീ ദൂരം പറയുന്നു.
കൂട്ടില്‍ കിളികളായ് അമ്മമാര്‍ ഞങ്ങളീ
വൃദ്ധാലയത്തിലെ സങ്കടത്തോണികള്‍
മങ്ങിയകണ്ണുകള്‍ കാത്തുവച്ചീടുന്നു
പിച്ചനടക്കുമാ ഉണ്ണിതന്‍ കാലുകള്‍.
അകലെത്തിലെന്‍മകന്‍ ഓര്‍മ്മ പതുക്കുമാ
ശബ്ദച്ചിറകുകള്‍ പാറിവന്നീടവേ
അകാശച്ചാലിലൂടൊഴുകുമാ ശബ്ദമെന്‍
കാതിലൊഴുക്കും പരിഭവക്കൂണുകള്‍
വീണ്ടും മഴയെത്തിയെങ്കിലും മുറ്റത്ത്
കണ്ടതില്ലെന്നുയിര്‍ പൊന്‍മണിമുത്തിനെ
നോവുകള്‍ വീശിയടുത്തെത്തുമാക്കുളിര്‍
തെന്നലും മിണ്ടാതെ തെന്നി മറയുന്നു
നീര്‍പ്പോളപൊട്ടിച്ചിതറിക്കളിക്കവേ
ദൂരയാ ചിന്തതന്‍ പെരുമഴക്കാലമായ്
ജാലകപ്പടി ചാരി അമ്മ നില്‍ക്കുന്നൂ
ചെമ്പകപ്പൂവില്‍ നിന്നിറ്റുവീഴുമാത്തുള്ളികള്‍
ചിന്തയില്‍ താളം പിടിക്കവേ
അമ്മ മനസ്സിലെ സ്നേഹപ്പെരുമ്പറ
ചങ്ങലപൊട്ടിച്ചു വിങ്ങലായ് മാറിയോ
ഏകയായീമുറി വാതില്‍പ്പടികളില്‍
ഓര്‍മ്മകള്‍ പേറി ഞാനീമഴ കാണുമ്പോള്‍
പാല്‍ക്കഞ്ഞി നല്കി വളര്‍ത്തിയോരുണ്ണിയെ
കാണുവാനായിനി എത്ര കാത്തീടണം
ഇന്നിനിവേണ്ട പെരുമഴയല്ലയോ
ഉണ്ണിക്കു ദീനം വരുത്തരുതീശ്വരാ
കാഴ്ച മറഞ്ഞൊരാ കണ്ണടച്ചില്ലുകള്‍
കാത്തിരിപ്പിന്റെയീ ദൂരം പറയുന്നു.
കൂട്ടില്‍ കിളികളായ് അമ്മമാര്‍ ഞങ്ങളീ
വൃദ്ധാലയത്തിലെ സങ്കടത്തോണികള്‍
മങ്ങിയകണ്ണുകള്‍ കാത്തുവച്ചീടുന്നു
പിച്ചനടക്കുമാ ഉണ്ണിതന്‍ കാലുകള്‍.
അകലെത്തിലെന്‍മകന്‍ ഓര്‍മ്മ പതുക്കുമാ
ശബ്ദച്ചിറകുകള്‍ പാറിവന്നീടവേ
അകാശച്ചാലിലൂടൊഴുകുമാ ശബ്ദമെന്‍
കാതിലൊഴുക്കും പരിഭവക്കൂണുകള്‍
വീണ്ടും മഴയെത്തിയെങ്കിലും മുറ്റത്ത്
കണ്ടതില്ലെന്നുയിര്‍ പൊന്‍മണിമുത്തിനെ
നോവുകള്‍ വീശിയടുത്തെത്തുമാക്കുളിര്‍
തെന്നലും മിണ്ടാതെ തെന്നി മറയുന്നു
No comments:
Post a Comment