അമ്മതന്നോമന പുഞ്ചിരിയാലൊരു
പൊന്‍കണി ഞാനങ്ങു കണ്ടുണരേ
അമ്മയെന്‍ കണ്ണിണ മെല്ലവേപൊത്തീട്ട്
കൊണ്ടുപോയെന്നെയാ മേടപ്പുലരിയില്‍
പീതാംബരന്‍ വേണുനാദമായ്‍ത്തീരുന്ന
മഞ്ഞ‍ണിക്കൊന്നതന്‍ താഴ്വരയില്‍
വെള്ളരിപ്പൂവുകള്‍ ചുംബിച്ചൊരാക്കണി
തന്നൊരു നോവുമെന്‍ ബാല്യത്തിലേക്കിതാ
കൈനീട്ടമായൊരു എട്ടണത്തുട്ടെന്‍റെ
കൈകളില്‍തന്നമ്മ ചേര്‍ത്തുപുണരവേ
ചെമ്പോത്തുമെല്ലയാ പ്ലാവിന്‍റെ ചില്ലയില്‍
തത്തിക്കളിച്ചൊരു പായാരം ചൊല്ലിയോ
വിത്തു നിറച്ചൊരു കുട്ടയും കൈക്കോട്ടും
പാടവരമ്പത്തു പൊന്‍കണിതീര്‍ക്കവേ
സ്വര്‍ണ്ണംത്തിളങ്ങും കതിരൊളി ചൂടുവാന്‍
പാടമൊരുങ്ങുന്നു ഋതുമതിയായിതാ
ഓര്‍മ്മകള്‍ കാലൊച്ചയില്ലാതെ പോകുന്നു
പ്രായപ്പടിയിലെന്‍ കണ്ണടച്ചില്ലുകള്‍
തളിരിട്ട കൊന്നകള്‍ ചൂടാതെ പോകുന്നു
മേടവിഷുവിന്‍റെ നൊമ്പരപ്പൂവുകള്‍
കണിവയ്ക്കാം ഞാനിനി ഓര്‍മ്മകള്‍കൊണ്ടൊരു
ദര്‍പ്പണം ഇന്നിന്‍റെ കാഴ്ചയായി
കത്തെട്ടെ നെയ്ത്തിരി ഉള്ളിന്‍റെയുള്ളിലെന്‍
സ്നേഹം പകരുന്നൊരോര്‍മ്മയായി.
പൊന്‍കണി ഞാനങ്ങു കണ്ടുണരേ
അമ്മയെന്‍ കണ്ണിണ മെല്ലവേപൊത്തീട്ട്
കൊണ്ടുപോയെന്നെയാ മേടപ്പുലരിയില്‍
പീതാംബരന്‍ വേണുനാദമായ്‍ത്തീരുന്ന
മഞ്ഞ‍ണിക്കൊന്നതന്‍ താഴ്വരയില്‍
വെള്ളരിപ്പൂവുകള്‍ ചുംബിച്ചൊരാക്കണി
തന്നൊരു നോവുമെന്‍ ബാല്യത്തിലേക്കിതാ
കൈനീട്ടമായൊരു എട്ടണത്തുട്ടെന്‍റെ
കൈകളില്‍തന്നമ്മ ചേര്‍ത്തുപുണരവേ
ചെമ്പോത്തുമെല്ലയാ പ്ലാവിന്‍റെ ചില്ലയില്‍
തത്തിക്കളിച്ചൊരു പായാരം ചൊല്ലിയോ
വിത്തു നിറച്ചൊരു കുട്ടയും കൈക്കോട്ടും
പാടവരമ്പത്തു പൊന്‍കണിതീര്‍ക്കവേ
സ്വര്‍ണ്ണംത്തിളങ്ങും കതിരൊളി ചൂടുവാന്‍
പാടമൊരുങ്ങുന്നു ഋതുമതിയായിതാ
ഓര്‍മ്മകള്‍ കാലൊച്ചയില്ലാതെ പോകുന്നു
പ്രായപ്പടിയിലെന്‍ കണ്ണടച്ചില്ലുകള്‍
തളിരിട്ട കൊന്നകള്‍ ചൂടാതെ പോകുന്നു
മേടവിഷുവിന്‍റെ നൊമ്പരപ്പൂവുകള്‍
കണിവയ്ക്കാം ഞാനിനി ഓര്‍മ്മകള്‍കൊണ്ടൊരു
ദര്‍പ്പണം ഇന്നിന്‍റെ കാഴ്ചയായി
കത്തെട്ടെ നെയ്ത്തിരി ഉള്ളിന്‍റെയുള്ളിലെന്‍
സ്നേഹം പകരുന്നൊരോര്‍മ്മയായി.
No comments:
Post a Comment