ആമരമീമരമെന്നു ജപിക്കാന്‍
ഒരുമരമിന്നെന്‍ കാട്ടിലുമില്ലേ
വേനല്‍വിയര്‍ത്തു പിളര്‍ന്നുവെടിക്കും
പാടമതൊന്നില്‍ പുഴയതുമില്ലേ
ഒരുമരമിന്നെന്‍ കാട്ടിലുമില്ലേ
വേനല്‍വിയര്‍ത്തു പിളര്‍ന്നുവെടിക്കും
പാടമതൊന്നില്‍ പുഴയതുമില്ലേ
കുടിലുകള്‍ തണലതുകെട്ടിയൊരുക്കാന്‍
ഏനതു സ്വന്ത,ത്തറയതുമില്ലേ
നോവുകള്‍ പേറും കാടുനനയ്ക്കാന്‍
ചാറിവരുന്നൊരു മഴയതുമില്ലേ
ഏനതു സ്വന്ത,ത്തറയതുമില്ലേ
നോവുകള്‍ പേറും കാടുനനയ്ക്കാന്‍
ചാറിവരുന്നൊരു മഴയതുമില്ലേ
ഉരിയരി നെടിയരിയിട്ടുതിളയ്ക്കാന്‍
കാടിന്‍ മടിയില്‍ പിടിയരിയില്ലേ
മാരിപിടിച്ചു വിളര്‍ത്തു നടക്കും
കുഞ്ഞിനുനല്കാന്‍ അന്നവുമില്ലേ
കാടിന്‍ മടിയില്‍ പിടിയരിയില്ലേ
മാരിപിടിച്ചു വിളര്‍ത്തു നടക്കും
കുഞ്ഞിനുനല്കാന്‍ അന്നവുമില്ലേ
കല്ലുകള്‍കൂട്ടിയ ദൈവത്തറയില്‍
കുരുതികഴിക്കാന്‍ കോഴിയുമില്ലേ
ഇരുകരമിനിയതു കൂട്ടിനമിപ്പാന്‍
ഒരുഗതിയിനിയതു ദൈവവുമില്ലേ
കുരുതികഴിക്കാന്‍ കോഴിയുമില്ലേ
ഇരുകരമിനിയതു കൂട്ടിനമിപ്പാന്‍
ഒരുഗതിയിനിയതു ദൈവവുമില്ലേ
കണ്ണിനുമീതെ കറുപ്പുമുടുത്തൊരു
നീതിയിതെവിടെ കേള്‍വിയുമില്ലേ
അസ്ത്രമെടുത്തു തൊടുത്തുപിടിക്കാന്‍
പാമരനിവനൊരു പെരുവിരലില്ലേ
നീതിയിതെവിടെ കേള്‍വിയുമില്ലേ
അസ്ത്രമെടുത്തു തൊടുത്തുപിടിക്കാന്‍
പാമരനിവനൊരു പെരുവിരലില്ലേ
അസ്ത്രമെടുത്തു തൊടുത്തുപിടിക്കാന്‍
പാമരനിവനൊരു പെരുവിരലില്ലേ
പാമരനിവനൊരു പെരുവിരലില്ലേ
No comments:
Post a Comment