ഒരു നാളുമിന്നിനി പിരിയുവാനില്ല നിന്‍
ഹൃദയത്തിലേക്കു ഞാന്‍ ചേര്‍ന്നിടട്ടെ
അഴലുകള്‍ മാറുമീ പടിയിറമ്പില്‍ നിന്‍റെ
ചിതകൂട്ടി ഞാനും കരഞ്ഞിടട്ടെ
ഹൃദയത്തിലേക്കു ഞാന്‍ ചേര്‍ന്നിടട്ടെ
അഴലുകള്‍ മാറുമീ പടിയിറമ്പില്‍ നിന്‍റെ
ചിതകൂട്ടി ഞാനും കരഞ്ഞിടട്ടെ
ഒരു കാറ്റുവന്നെന്‍റെ ചെവിയിലായ് മന്ത്രിക്കും
നീയെന്‍റെ ചാരെ വരുന്നുവെന്ന്
ഇടവിട്ടുപെയ്യുന്ന മഴയിലാ കളമൊഴി
കുളിരുമായ് കാതില്‍ പതിയുമെന്ന്
നീയെന്‍റെ ചാരെ വരുന്നുവെന്ന്
ഇടവിട്ടുപെയ്യുന്ന മഴയിലാ കളമൊഴി
കുളിരുമായ് കാതില്‍ പതിയുമെന്ന്
വില്ലിന്‍ നിറംചേര്‍ത്ത സ്വപ്നങ്ങളായിരം
കണ്ണീര്‍ മഴത്തുള്ളി ചാലുതീര്‍ക്കേ
കുംഭമുട‍ഞ്ഞിട്ടാ കാല്‍ക്കൊലൊരു നീര്‍മഴ
അറിയാതെ പെയ്തു ഞാന്‍ തോര്‍ന്നുപോയി
കണ്ണീര്‍ മഴത്തുള്ളി ചാലുതീര്‍ക്കേ
കുംഭമുട‍ഞ്ഞിട്ടാ കാല്‍ക്കൊലൊരു നീര്‍മഴ
അറിയാതെ പെയ്തു ഞാന്‍ തോര്‍ന്നുപോയി
പൊഴിയുന്ന പൂവിലെ ശലഭമായിന്നു നീ
കനല്‍തൊട്ടു വാനില്‍ പറന്നു പൊന്തൂ
പിന്നാലെ വന്നൊരു കുട്ടിയെ പോലെ ഞാന്‍
നിന്നുടെ ചന്തം കവര്‍ന്നിടട്ടെ
കനല്‍തൊട്ടു വാനില്‍ പറന്നു പൊന്തൂ
പിന്നാലെ വന്നൊരു കുട്ടിയെ പോലെ ഞാന്‍
നിന്നുടെ ചന്തം കവര്‍ന്നിടട്ടെ
പലവട്ടം വന്നെന്‍റെ ഹൃദയത്തിന്‍ തന്ത്രിയില്‍
നീ ചേര്‍ത്ത പ്രണയത്തിന്‍ മധുരനോവാല്‍
പാടട്ടെ ഞാനൊരു പ്രിയമുള്ള മധുഗാനം
മരണത്തില്‍ നിന്നെയുണര്‍ത്തിവയ്ക്കാന്‍
നീ ചേര്‍ത്ത പ്രണയത്തിന്‍ മധുരനോവാല്‍
പാടട്ടെ ഞാനൊരു പ്രിയമുള്ള മധുഗാനം
മരണത്തില്‍ നിന്നെയുണര്‍ത്തിവയ്ക്കാന്‍
No comments:
Post a Comment