വരണ്ടുപോയ മനസ്സുമായ്
വിത്തുനട്ടുനടക്കുകില്‍
വരണ്ടമണ്ണില്‍ തണലുനാട്ടാന്‍
വിടരുകില്ലീ പൂമരം
വിത്തുനട്ടുനടക്കുകില്‍
വരണ്ടമണ്ണില്‍ തണലുനാട്ടാന്‍
വിടരുകില്ലീ പൂമരം
മുകിലുപെയ്തൊരു മലമടക്കില്‍
മുറിവുണങ്ങാ മടകളില്‍
മുലകളറ്റു വിതുമ്പിനില്‍ക്കും
മലകളാണിവിടുറവകള്‍
മുറിവുണങ്ങാ മടകളില്‍
മുലകളറ്റു വിതുമ്പിനില്‍ക്കും
മലകളാണിവിടുറവകള്‍
മലയരിഞ്ഞവര്‍ നല്ലപാട
മടികള്‍മേലെനിറച്ചതും
മഴുവെടുത്തീ മരണദൂതായ്
മരമൊടിച്ചു കളിച്ചതും
പുഴകള്‍മൂടി പുതുമകൂടും
പുരകള്‍കെട്ടി വസിച്ചതും
പുതിയ യന്ത്രക്കോപ്പുകൂട്ടി
പുകപറത്തി രസിച്ചതും
വരണ്ടവേനല്‍ തീമഴയ്ക്കായ്
വഴിതെളിച്ചവര്‍ നമ്മളും
മടികള്‍മേലെനിറച്ചതും
മഴുവെടുത്തീ മരണദൂതായ്
മരമൊടിച്ചു കളിച്ചതും
പുഴകള്‍മൂടി പുതുമകൂടും
പുരകള്‍കെട്ടി വസിച്ചതും
പുതിയ യന്ത്രക്കോപ്പുകൂട്ടി
പുകപറത്തി രസിച്ചതും
വരണ്ടവേനല്‍ തീമഴയ്ക്കായ്
വഴിതെളിച്ചവര്‍ നമ്മളും
വിറളിപൂണ്ട മനസ്സുമായി
വലയെറിഞ്ഞവര്‍ നമ്മളീ
കുഴികള്‍വെട്ടി ജീവിതത്തിന്‍
കുരുതി തീര്‍ത്തു നടപ്പവര്‍
വലയെറിഞ്ഞവര്‍ നമ്മളീ
കുഴികള്‍വെട്ടി ജീവിതത്തിന്‍
കുരുതി തീര്‍ത്തു നടപ്പവര്‍
കടുത്തവേനല്‍ കനലുകൊണ്ടു
കരളുടഞ്ഞ ധ്രുവങ്ങളില്‍
കലിയടങ്ങാ തിരകള്‍വീണ്ടും
കരയുടയ്ക്കും കനവുകള്‍
കരളുടഞ്ഞ ധ്രുവങ്ങളില്‍
കലിയടങ്ങാ തിരകള്‍വീണ്ടും
കരയുടയ്ക്കും കനവുകള്‍
വിറപിടിച്ചൊരു ദേഹമായി
വിരഹമാര്‍ക്കും ഭൂമിയില്‍
വിരുന്നുകാരായ് വന്നുപോകും
വിനവിതയ്ക്കും മാരികള്‍
വിരഹമാര്‍ക്കും ഭൂമിയില്‍
വിരുന്നുകാരായ് വന്നുപോകും
വിനവിതയ്ക്കും മാരികള്‍
നെഞ്ചുനൊന്തു പിടഞ്ഞുനീറും
നഞ്ചുതിന്ന ധരിത്രിയെ
നന്മകോര്‍ത്ത മനസ്സുമായ്
നോവടര്‍ത്തിക്കാത്തിടാം
നഞ്ചുതിന്ന ധരിത്രിയെ
നന്മകോര്‍ത്ത മനസ്സുമായ്
നോവടര്‍ത്തിക്കാത്തിടാം
നന്മപൂക്കും പൂമരങ്ങള്‍
നിന്‍വഴിയില്‍ ചേര്‍ക്കുകില്‍
നല്ലനാളെക്കനവുകണ്ട്
നാഴിനെല്ലുമളന്നിടാം.
നിന്‍വഴിയില്‍ ചേര്‍ക്കുകില്‍
നല്ലനാളെക്കനവുകണ്ട്
നാഴിനെല്ലുമളന്നിടാം.
No comments:
Post a Comment