ഉദ്ധരിക്കുന്ന സന്യാസം

മാറിനില്‍ക്കൂ ... നീ സ്ത്രീ,
എന്‍റെ ഇരിപ്പിടത്തിനടുത്ത്
നീ വരാതിരിക്കുക..
ഞാനറിയാതെ സ്ഖലിക്കാതിരിക്കട്ടെ

ഉദ്ധരിച്ചുപോയാലോ
എന്‍റെ സന്യാസം..
എന്‍റെ കണ്ണുകള്‍ക്ക്
നിന്‍റെ നിമ്നോന്നതങ്ങളിലാണ്
ശയനം.

സുഷുപ്തി അത് ലയനമാണ്
പ്രപഞ്ചമറിയലാണ്....!
പഞ്ചഭൂതനിര്‍മ്മിത ശരീരത്തില്‍
ഇപ്പോഴും ഉടക്കിയൊരസ്ത്രം
എന്‍റെ കാവിയില്‍ ഒളിച്ചിരിക്കുന്നു

മനസ്സുപേക്ഷിക്കാനാകാത്ത
മനസ്സുവ്യഭിചരിക്കുന്ന
വെറും ഭീരുവാണു ഞാന്‍
നീ ദൂരെപോകുക......
ഞാന്‍ സ്ഖലിക്കാതിരിക്കട്ടെ!