അരുകിലൂടൊഴുകിയ പുഴയറിഞ്ഞില്ല
എന്‍ മനസ്സിന്‍റെ താഴ്വാര ശോണിമയെ
ചുണ്ടുകള്‍ മന്ദമായ് പൂക്കുമ്പൊഴും
ഉള്ളിലിഴയുന്ന ശോകമറിഞ്ഞതില്ല
എങ്കിലും കണ്ണിലെ പീലികള്‍ചൂടിയ
മഞ്ഞിന്‍ കണമെന്‍റെ കണ്ണുനീരായ്
നാഭിതന്‍ ചോട്ടിലെ കുഞ്ഞനക്കത്തില്‍ ഞാന്‍
വിരള്‍തൊട്ടു വിരഹത്തെ കണ്ടെടുക്കേ
ഓര്‍മ്മകള്‍ കാറ്റായ് കടന്നെത്തിയന്നവന്‍
തന്നൊരു മുത്തം പകര്‍ന്നുവച്ചു
കുളിരുന്ന മേനിയില്‍ പുതയുന്ന ചേലയെ
കൈകളാല്‍ മെല്ലെ പറത്തി നിന്നു
ഒരു ചുടുനിശ്വാസം ഓര്‍മ്മയില്‍ നിന്നെന്നെ
ഒന്നു വിടുവിച്ചു കൊണ്ടുപോകെ
കളംകളംപാടിയായരുവിയെന്‍ നോവിനെ
കുളിരായ് മനസ്സില്‍ പകര്‍ന്നുതന്നു.
എന്‍ മനസ്സിന്‍റെ താഴ്വാര ശോണിമയെ
ചുണ്ടുകള്‍ മന്ദമായ് പൂക്കുമ്പൊഴും
ഉള്ളിലിഴയുന്ന ശോകമറിഞ്ഞതില്ല
എങ്കിലും കണ്ണിലെ പീലികള്‍ചൂടിയ
മഞ്ഞിന്‍ കണമെന്‍റെ കണ്ണുനീരായ്
നാഭിതന്‍ ചോട്ടിലെ കുഞ്ഞനക്കത്തില്‍ ഞാന്‍
വിരള്‍തൊട്ടു വിരഹത്തെ കണ്ടെടുക്കേ
ഓര്‍മ്മകള്‍ കാറ്റായ് കടന്നെത്തിയന്നവന്‍
തന്നൊരു മുത്തം പകര്‍ന്നുവച്ചു
കുളിരുന്ന മേനിയില്‍ പുതയുന്ന ചേലയെ
കൈകളാല്‍ മെല്ലെ പറത്തി നിന്നു
ഒരു ചുടുനിശ്വാസം ഓര്‍മ്മയില്‍ നിന്നെന്നെ
ഒന്നു വിടുവിച്ചു കൊണ്ടുപോകെ
കളംകളംപാടിയായരുവിയെന്‍ നോവിനെ
കുളിരായ് മനസ്സില്‍ പകര്‍ന്നുതന്നു.
No comments:
Post a Comment