ചിലവഴികളെന്നെ തിരയാത്തതെന്തേ
പലവഴികള്‍ ഞാനും മറന്നേച്ചുപോയോ
പിച്ചവച്ചന്നുഞാനോടുന്ന നേരത്ത്
നെറ്റിയിലാകെ നീ ചുംബിച്ചതല്ലേ
മുട്ടിന്‍തൊലിയും ചെമ്മണ്ണുമായെന്‍റെ
സങ്കടം നീയെറേ കണ്ടതല്ലേ
അമ്മതന്‍കൈവിരല്‍ കൂട്ടുമായീവഴി
പിന്നെയും പിന്നെയും വന്നതല്ലേ
പലവഴികള്‍ ഞാനും മറന്നേച്ചുപോയോ
പിച്ചവച്ചന്നുഞാനോടുന്ന നേരത്ത്
നെറ്റിയിലാകെ നീ ചുംബിച്ചതല്ലേ
മുട്ടിന്‍തൊലിയും ചെമ്മണ്ണുമായെന്‍റെ
സങ്കടം നീയെറേ കണ്ടതല്ലേ
അമ്മതന്‍കൈവിരല്‍ കൂട്ടുമായീവഴി
പിന്നെയും പിന്നെയും വന്നതല്ലേ
ഓലമെടഞ്ഞിട്ടൊരീര്‍ക്കിലി പമ്പരം
നിന്‍നെഞ്ചിലോടിക്കറക്കിടുമ്പോള്‍
തെച്ചികള്‍പൂത്തൊരു കൈയ്യാലമേലെയെന്‍
കുന്നിക്കുരുക്കണ്ണു കാത്തിരിക്കും
കുപ്പിവളക്കൊഞ്ചല്‍ കേള്‍ക്കാതെ ഞാനെന്‍റെ
പത്രാസ്സുകാട്ടി പറന്നിടുമ്പോള്‍
കുന്നിക്കുരുച്ചോപ്പിന്‍ കുങ്കുമംകൊണ്ടവള്‍
ചുണ്ടില്‍ പരിഭവം ചേര്‍ത്തുവയ്ക്കും
നിന്‍നെഞ്ചിലോടിക്കറക്കിടുമ്പോള്‍
തെച്ചികള്‍പൂത്തൊരു കൈയ്യാലമേലെയെന്‍
കുന്നിക്കുരുക്കണ്ണു കാത്തിരിക്കും
കുപ്പിവളക്കൊഞ്ചല്‍ കേള്‍ക്കാതെ ഞാനെന്‍റെ
പത്രാസ്സുകാട്ടി പറന്നിടുമ്പോള്‍
കുന്നിക്കുരുച്ചോപ്പിന്‍ കുങ്കുമംകൊണ്ടവള്‍
ചുണ്ടില്‍ പരിഭവം ചേര്‍ത്തുവയ്ക്കും
ആദ്യ പ്രണയത്തിനാദ്യാക്ഷരങ്ങളെ
നെഞ്ചിലടക്കിക്കുറിച്ചിടുമ്പോള്‍
വീണ്ടുമീ മേഘങ്ങള്‍ എന്നെ നനയിക്കും
കുളിരുള്ള കൈവിരല്‍തുമ്പിനാലേ
നെഞ്ചിലടക്കിക്കുറിച്ചിടുമ്പോള്‍
വീണ്ടുമീ മേഘങ്ങള്‍ എന്നെ നനയിക്കും
കുളിരുള്ള കൈവിരല്‍തുമ്പിനാലേ
No comments:
Post a Comment